الله يخرب بيت الاقسام دي

http://www.youtube.com/watch?v=nhqG6N53WhY

فيديو جديد لم ينشر من قبل لضرب جماعي داخل أحد أقسام الشرطة لمجموعة من المواطنين يشمل الضرب على القفا واستخدام عصا أو خرطوم للضرب على المؤخرة وفي منتصف الفيديو يظهر الضابط الذي قام بالتصوير بوجهه معلقا على الفيديو ليخبرنا بأن التعذيب إستمر لمدة ساعة كما يظهر وجه أمين الشرطة الذي قام بالضرب ونسمع الضابط يأمر المواطنين بإظهار - الزعبوطة - كما يسميها ليضربهم عليهاوالرجاء من السادة المحامين تقديم بيان للنائب العام حول هذا الفيديوومعذرة لإحتواء الفيديو على الفاظ خارجة وتعليقات توضح إستمتاع رجال الشرطة الأشاوس بالقيام بوظيفتهم

نقلا عن الوعي المصري

اديني لسه بقول انا عاوز ارسي علي بر يا إما اكون واد روش او سياسي مش عارف

اكون روش ولا اكون سياسي

انا ماليش نفس اعمل حاجه خالص

مش عارف ليه ممكن اكون مخنوق من البلد والفساد الي موجود فيها

وممكن علشان من الاسعار الي مولعه نار

وممكن علشان الحكومه حابسانا في سجن كبير اسمه مصر

ممكن يكون علشان حاجات كتييير اوي

انا مش عارف حاجه خالص بس الي انا عارفه ان انا مصري وطول عمري حافضل مصري وجايز الزمان يقلب فيا لاكني حافضل طول عمري مصر جايز لان هي دي الحاجه الوحيدة الي باقية مصر

طيب انا عاوز اعرف

هو احنا ليه بندافع عن نور والسادات والاخوان وعن كل سجناء الرأي في مصر

واشمعنا احنا

مع انك لو نزلت اي يوم علي كورنيش النيل حا تلاقي كل واحد معاه الموزة بتاعته وعمالين يحبوا في بعض

طيب احنا ممكن يجيلنا اليوم الي نقف علي الكورنيش ولا لا

طيب وليه احنا نقف معاهم

طيب ما هما الي ييجوا ويدافعوا عن مصر معانا

نداااء الي الموزز الي في البلد والي الشباب الروش طحن يا إما تيجوا معانا يإما احنا نيجوا معاكم والاسهل اننا نيجي معاكم

ومالوا لما الواحد كده يتمشي مع الموزة بتاعته ولا حد يقدر يقولوا بم

لاكن لو مشيت وانت معلق صورة للسادات ولا لنور ولا للاخوان دي تبقي مصيبة يانهارك اسود امن الدوله حا تاخدك وتطلع عين اهلك ويطلعلك واحد زي اسلام نبيه ويبقي نهارك مش باينله لون

بصوا انا مش عارف اعمل ايه

حاولوا تقتعوني انا كده حا اتجنن

ابقي واحد روش طحن واخرج كل يوم مع بنت

ولا اكون واحد سياسي طحن وانسي الموزز

جاوبوني يرحمكم الله

حرااااااااااااااااااااااااااام

الحكم علي كريم عامر بالسجن لمدة اربع سنوات دي مهزلة

صدرالحكم على عبد الكريم عامر اول مدون مصرى يحاكم بسبب كتاباته على الانترنت حيث حكم عليه بأربع سنوات مع الشغل والنفاذ وذلك وسط حشد هائل من وسائل الاعلام العربيه والاجنبيه وحضورعدد كبير من المدونين المصريين وكان كريم عامر يحاكم بتهمة ازدراء الاديان وسب رئيس الجمهوريه والدعوه لاثارة الفتنه بين الجماهير وقد حكم عليه فى تهمة ازدراء الاديان بثلاث سنوات وسب مبارك بسنه وعدم قبول الدعوه المدنيه ضده هذا وقد حدث قبل بدء محاكمة عبد الكريم سليمان عامر مفاجأه كبرى حيث فوجئنا جميعا بحضور الامام ابو عمر المصرى المصرى الذى سبق خطفه من قبل السى اى ايه فى ايطاليا وتسليمه لمصر وتعذيبه فى المعتقل على حد قوله وذلك للتضامن مع عبد الكريم . وقد تمنى الامام ابو عمر عدم اعتقاله مره ثانيه من قبل قوات امن الدوله المصريه حيث ان حالته الصحيه لا تتحمل التعذيب وذلك رغم توقعه انهم سوف يعتقلوه مره ثانيه بعد هذا الحديث وطالب الاعلام بالوقوف الى جانبه فى حالة اعتقاله حيث انه لا يقوى على التعذيب . وعندما سئل عن قيامه بمقاضاة الحكومه الامريكيه او المصريه رد بأنه رفع قضيه على الحكومه الايطاليه والامريكيه مطالبا بتعويض قدره عشرين مليون دولار اما بالنسبه للتعذيب تمنى ان لا يلجأ لمقاضاة الحكومه المصريه و طالب الرئيس مبارك بالافراج عن كل المعتقلين حتى يتم فتح صفحه جديده معه . وتمنى ان يعود الى ايطاليا حتى يقف امام القضاء الايطالى ويثبت برائته ولكنه ممنوع من السفرعلى الرغم من انه مواطن ايطالى وطالب الحكومه الايطاليه بالتدخل من اجله .وقرر انه سيكرس ما تبقى من حياته من اجل الدفاع عن جميع المظلومين فى مشارق الارض ومغاربها سواء كانوا مسلمين او غير مسلومين وانه سوف ينشأ موقعا على الانترنت يسمى (المستضعفون فى الارض) وانه سوف يتعاون مع منظمات حقوق الانسان للدفاع عن المعتقلين فى جميع انحاء العالم .